ගම්මන්පිල නිදොස් කොට නිදහස්
ව්‍යාජ ඇටර්නි බලපත්‍රයක් සකස් කර වංචාවක් සිදු කිරීම සම්බන්ධයෙන් චෝදනා ලැබ සිටි හිටපු අමාත්‍ය උදය ගම්මන්පිළ මහතාට ඉන් නිදොස් කොට නිදහස් කර තිබෙනවා.
ඒ, කොළඹ මහාධිකරණය විසින්.
ඔස්ට්‍රේලියානු ජාතික ව්‍යාපාරිකයකුට අයත් සමාගමේ කොටස් විකුණා රුපියල් මිලියන 21ක මුදලක් සාපරාදී සාවද්‍ය පරිහණය කිරීමට එරෙහිව මෙම නඩුව ගොනු කර තිබුණේ, අමාත්‍යවරයා සහ ව්‍යාපාරිකයෙකු වන සිඩ්නි ජයසිංහ මහතාට එරෙහිවයි.
දීර්ඝ නඩු විභාගයකින් අනතුරුව කොළඹ මහාධිකරණයේ පූර්වගාමී විනිසුරු නාමල් බණ්ඩාර බළල්ලේ මහතා විසින් මෙම තීන්දුව ලබාදී ඇති බව සඳහන්.
චෝදනා සාධාරණ සැකයෙන් ඔබ්බට ඔප්පු කිරීමට පැමිණිල්ල අසමත්වීම හේතුවෙන් විත්තිකරුවන් නිදොස් කොට නිදහස් කෙරුණා.