ශ්‍රී ලංකා – ඔස්ට්‍රේලියා ක්‍රිකට් තරග කාලසටහන වෙනස් වෙයි ද.?
ඔස්ට්‍රේලියාව සහ ශ්‍රී ලංකාව අතර එක්දින ක්‍රිකට් තරග දෙකක් පැවැත්වීමට සැලැසුම් කර ඇති බවට තොරතුරු වාර්තා වනවා.
ඒ, ක්‍රිකට් ඔස්ට්‍රේලියා විසින් ශ්‍රී ලංකා ක්‍රිකට් ආයතනයෙන් සිදු කළ ඉල්ලීමකට අනුවයි.
දෙරට එක් එක්දින ක්‍රිකට් තරගයක් පමණක් පැවැත්වීමට ප්‍රථමයෙන් සැලැසුම් කර තිබූ අතර ඊට තවත් අතිරේක තරගයක් ඉල්ලා ඇති බව සඳහන්.
ශුරයින්ගේ කුසලාන තරගාවලියට ක්‍රීඩා කිරීම සඳහා වන පුහුණුවක් ලෙසින් මෙම ඉල්ලීම සිදු කර ඇති බව සඳහන්.
මීට පෙර මෙම එක්දින තරගය හම්බන්තොටදී පැවැත්වීමට සැලැසුම් කර තිබුණ ද, අදාළ සංශෝධනය සිදු කරන්නේ නම් එය කොළඹ ආර්. ප්‍රේමදාස ක්‍රිකට් ක්‍රීඩාංගණයේදී දිවා තරග ලෙස පැවැත්වෙනු ඇති.
කෙසේ වෙතත් මේ සම්බන්ධයෙන් නිල නිවේදනයක් මේ දක්වා ප්‍රකාශයට පත්වී නැහැ.
ඉදිරියේදී මේ සම්බන්ධයෙන් ශ්‍රී ලංකා ක්‍රිකට් ආයතනය සිය අදහස දැනුම්දෙනු ඇති බවටයි වැඩිදුරටත් තොරතුරු වාර්තා වන්නේ.