නාච්චදූව ජලාශයේ වාන් දොරටු හයම විවෘත කරයි

පවතින වර්ෂාවත් සමඟ අද (16) දහවල් නාච්චදූව ජලාශයේ වාන් දොරටු හයම විවෘත කර තිබෙනවා.

ඒ අනුව වාන් දොරටු දෙකක් අඩි එක බැගින් ද, වාන් දොරටු දෙකක් අඩි දෙක බැගින් ද, වාන් දොරටු දෙකක් අඩි තුන බැගින් ද විවෘත කර ඇති බව සඳහන්.

මෙමඟින් තත්පරයට ඝණ අඩි 1436ක් මල්වතු ඔයට මුදා හැරෙනවා.

ඒ හේතුවෙන් මල් වතු ඔය දෙපස පහත් බිම්වල පදිංචි ජනතාව අවධානයෙන් පසුවන ලෙසයි දැනුම් දී ඇත්තේ.