මුහුදු ජලයෙන්ම නැව්වලට ඉන්ධන නිපදවන අලුත් තාක්ෂණයක්
මුහුදු ජලයෙන්ම හයිඩ්රජන් ඉන්ධන නිපදවීමේ තාක්ෂණය මේ වෙද්දි සමුද්ර ප්රවාහන ක්ෂේත්රයේ ලොකු පෙරළියක් විදිහට සැලකෙනවා.
මේ තාක්ෂණය හරහා නැව්වලට අවශ්ය ඉන්ධන මුහුදු ජලයෙන්ම ලබාගන්න පුළුවන් නිසා, සාම්ප්රදායික ඉන්ධන පිරවුම් පද්ධතිවලට තියෙන අවශ්යතාවය ගොඩක් අඩු වෙයි කියලා විද්යාඥයන් කියනවා.
මෙහිදී මුහුදු ජලයෙන් හයිඩ්රජන් වෙන්කරගන්න විශේෂ විද්යුත් සහ රසායනික ක්රියාවලීන් භාවිතා කරනවා.
ඒ හරහා ලැබෙන හයිඩ්රජන් ඉන්ධනය, ඉන්ධන සෛල හෝ විශේෂ දහන පද්ධතිවල භාවිතා කරලා පිරිසිදු ශක්තිය නිපදවන්න පුළුවන්.
විශේෂඥයන් කියන්නේ, ඩීසල් වගේ ඉන්ධන වෙනුවට හයිඩ්රජන් භාවිතා කිරීමෙන් කාබන් විමෝචනය ගොඩක් අඩු කරගෙන පරිසර හිතකාමී නැව් ප්රවාහනයකට මාරුවෙන්න හැකිවෙයි කියලායි.
හැබැයි මේ තාක්ෂණයට අභියෝගත් තියෙනවා. මුහුදු ලුණු නිසා උපකරණ විඛාදනය වීම, නැව් ඇතුළේ සීමිත ඉඩකදී මේ පද්ධති කාර්යක්ෂමව පවත්වාගෙන යාම වගේ ගැටලු ඒ අතරින් ප්රධානයි.
ඒත් පර්යේෂකයන් විශ්වාස කරන්නේ, මේ තාක්ෂණය තවත් දියුණු වුණොත් අනාගතයේ නැව් තමන්ට අවශ්ය ඉන්ධන මුහුදෙන්ම නිපදවාගෙන ගමන් කරන කාලයක් උදා වෙයි කියලායි.