පවතින කලාපීය නොසන්සුන්තාව හමුවේ ජනාධිපති අනුර කුමාර දිසානායක මහතා සහ කටාර් රාජ්යයේ එමීර් හෙයික් තමිම් බින් හමාඩ් අල්-තානි අතර විශේෂ දුරකතන සංවාදයක් පවත්වා ඇති බව විදෙස් මාධ්ය වාර්තා කරයි.
වත්මන් අර්බුදකාරී තත්ත්වය පිළිබඳව නායකයන් දෙපළ සාකච්ඡා කර ඇති අතර, කටාර් රාජ්යය මුහුණ දී සිටින අභියෝගාත්මක අවස්ථාවේදී ශ්රී ලංකාවේ සහයෝගීතාව ජනාධිපතිවරයා එමීර්වරයා වෙත ප්රකාශ කර ඇත.
මෙම සාකච්ඡාවේදී කටාර් එමීර්වරයා විසින් ප්රධාන කරුණු දෙකක් අවධාරණය කර තිබෙනවා. කටාර්හි වෙසෙන ශ්රී ලාංකික ශ්රමිකයන්ගේ සහ පදිංචිකරුවන්ගේ සුභසාධනය හා ආරක්ෂාව පිළිබඳව එමීර්වරයා ජනාධිපතිවරයා වෙත සහතික වී ඇති බවයි වැඩි දුරටත් වාර්තා වන්නේ.
එමෙන්ම පවතින ගැටුම්කාරී වාතාවරණය හමුවේ වුවද, ශ්රී ලංකාවට ස්ථාවර ලෙස ඉන්ධන සැපයීම අඛණ්ඩව පවත්වාගෙන යාමට කටාර් රාජ්යය කැපවී සිටින බවත් ඔහු වැඩිදුරටත් ප්රකාශ කර තිබෙනවා යැයි විදෙස් මාධ්ය සදහන් කරනවා. 