ඉරාන ආරක්ෂක අමාත්‍යවරයා චීනයට
ඊශ්‍රායලය සමග වූ උණුසුම් ගැටුමෙන් පසු ඉරාන ආරක්ෂක අමාත්‍යවරයා චීනයේ සංචාරයක නිරත වූ බව වාර්තා වේ. මෙම සංචාරය ජාත්‍යන්තර වේදිකාවේ දැඩි අවධානයට ලක්ව ඇති අතර ඉරාන ආරක්ෂක ප්‍රතිපත්තිවල නව වර්ධනයක් පිළිබඳව ඉඟි කරයි.
චීනයේ නිල ආරාධනාවකට අනුව සිදුවූ මෙම සංචාරයේ අරමුණ වී ඇත්තේ ඉරානය සහ චීනය අතර ආරක්ෂක සහයෝගිතාව තවදුරටත් ගැඹුරු කිරීමයි. එහිදී ආරක්ෂක තොරතුරු හුවමාරු, තාක්ෂණික සහයෝගය සහ ප්‍රාදේශීය ආරක්ෂාව පිළිබඳ විශේෂ සාකච්ඡා පවත්වන්නට ඇතැයි අපේක්ෂා කෙරේ.
ඉරානය බහුතරයක් බටහිර රටවල් විසින් පනවා ඇති ආර්ථික සහ රාජ්‍ය තහනම් මැදින්, චීනය සමග ආර්ථික සහ ආරක්ෂක සබඳතා ශක්තිමත් කරමින් සිටියි. ඉරාන ආරක්ෂක අමාත්‍යවරයාගේ මෙම සංචාරය එම උත්සහයන්වල නව පියවරක් ලෙස සැලකේ. විශේෂයෙන් චීනය විසින් මැදිහත්වී සාම සාකච්ඡා සඳහා පසුගිය කාලයේදී දක්වූ උනන්දුව ඉරානයට අලුත් ආරක්ෂක සහයෝගීත්වයක් ලබාදිය හැකි බවට ඉඟි කරයි.
මෙම සංචාරය ඉරානයේ ආරක්ෂක ප්‍රතිපත්තිවල පරිවර්තනයක්ද? එසේත් නැතිනම් චීනය සමග නව සන්ධානයක්ද? යන්න තවමත් පැහැදිලි නැත. කෙසේ වෙතත්, එය ගෝලීය බලසන්ධානවලට බලපාන තීරණාත්මක පියවරක් බව හැඳින්විය හැකිය.
සඳුනි තිලකරත්න