ලෝ ප්රකට රැප් ගායක Tupac ඝාතනයේ නවතම තොරතුරු එලියට
ප්රසිද්ධ රැප් ගායකයෙකු වූ Tupac Shakur ගේ පවුල 1996 දී සිදු වූ ඔහුගේ ඝාතනයට අදාළව Los Angeles නගරයේ “wrongful death” නඩුවක් ගොනු කරලා තියෙනවා.
මෙම නඩුවේ ප්රධාන සැකකරුවා ලෙස හිටපු ගැන්ග් නායක Duane “Keefe D” Davis නම් කරලා තියෙනවා. ඔහුට අමතරව හඳුනා නොගත් තවත් සම්බන්ධකරුවන් කිහිප දෙනෙක් ගැනත් සඳහන් වෙනවා. Davis තමන්ට එල්ලවූ චෝදනා ප්රතික්ෂේප කරමින් “නීතිවිරෝධී නැහැ” කියලා කියලා තියෙනවා.
Tupacගේ මරණය සම්බන්ධයෙන් වසර ගණනාවක් පුරා විමර්ශන සිදු වුණත්, චෝදනා එල්ල කරපු එකම පුද්ගලයා Davisයි. ඔහුට 2023 සැප්තැම්බර් මාසයේදී ඝාතන චෝදනා ගොනු කළා.
මෙම නව නඩුවේ කියවෙන්නේ, Tupac ඝාතනයට සරල පළිගැනීමක් නොව, “සංකීර්ණ සැලසුමක්” තිබුණා කියලා. ඒ හරහා මේ සිද්ධියට සම්බන්ධ වූ සියලුම පුද්ගලයන් හඳුනාගන්න තමයි මේ නඩුවේ අරමුණ වෙලා තියෙන්නේ.
Tupac Shakur 1990 දශකයේ ඉතා ජනප්රිය රැප් ගායකයෙක්. ඔහු “Hit ‘Em Up” සහ “California Love” වගේ ගීත හරහා විශාල ජනප්රියත්වයක් ලබාගෙන තිබුණා. ඒ වගේම චිත්රපටවලත් රංගනය කරලා තියෙනවා.
ඔහු 1996 සැප්තැම්බර් මාසයේ Las Vegas නගරයේදී drive-by ප්රහාරයකින් වෙඩි 4ක් වැදිලා තුවාල වෙලා, දින 6කට පස්සේ රෝහලේදී වයස 25දී මිය ගියා.
පොලිසිය කියන්නේ, Davis තමන්ගේ නැගණියගේ පුතා එක්ක එකතුව මේ ප්රහාරය සැලසුම් කරලා තියෙනවා කියලා. ඒක කලින් casino එකක ඇතිවූ ගැටුමක් හේතුවෙන් වුණා කියලාත් සඳහන් වෙනවා.
ඒ වෙලාවේ වාහනයේ හිටපු අනෙකුත් පුද්ගලයන් (Davisගේ නෑදෑයෙක් ඇතුළු) මේ වනවිට මියගොස් තිබෙනවා.
තවත් වැදගත් දෙයක් නම්, Sean Combs (Diddy) ගැනත් මේ නඩුවේ සඳහන් වෙනවා. Netflix documentary එකක තියෙන දත්ත අනුව, Tupac ඝාතනයට $1 මිලියනයක් දීමට ඔහු උත්සාහ කළා කියලා Davis කියලා තියෙනවා. හැබැයි Combs ඒ චෝදනා සම්පූර්ණයෙන්ම ප්රතික්ෂේප කරලා තියෙනවා.
Davisගේ නඩු විභාගය ලබන අගෝස්තු මාසයේ ආරම්භ වීමට නියමිත අතර, Tupacගේ පවුල මේ නව නඩුව හරහා වසර 30කට පස්සේවත් සත්යය හෙළි කරගන්න බලාපොරොත්තු වෙනවා.