එක්සත් අරාබි එමීර් රාජ්යය OPEC සංවිධානයෙන් ඉවත්වෙයි
ලෝක බලශක්ති වෙළෙඳපොළේ වැදගත් රටක් වෙන එක්සත් අරාබි එමීර් රාජ්යය, OPEC සහ OPEC+ කියන ඛනිජ තෙල් සංවිධාන දෙකෙන් ඉවත් වෙන්න තීරණය කරලා තියෙනවා කියලා අද (28) නිල වශයෙන් ප්රකාශ කරලා තියෙනවා.
මේ තීරණය මැයි 1 වැනිදා ඉඳලා ක්රියාත්මක වෙන්න නියමිතයි.
එමීර් රාජ්යය කියන්නේ, තමන්ගේ දිගුකාලීන ආර්ථික සැලසුම් සහ දේශීය තෙල් නිෂ්පාදනය වැඩි කරන්න තියෙන අරමුණ නිසා මේ තීරණය ගත්ත කියලා.
තවත් කියලා තියෙන්නේ, මේක ගන්න කලින් ඔවුන් තමන්ගේ වර්තමාන සහ අනාගත නිෂ්පාදන හැකියාව ගැන පුළුල්ව සමාලෝචනය කරලා තියෙනවා කියලා.
එක්සත් අරාබි එමීර් රාජ්යය 1967 ඉඳලා OPEC සංවිධානයේ සාමාජිකයෙක් විදිහට හිටියා. ඒ කාලය තුළ ලෝක තෙල් වෙළෙඳපොළ ස්ථාවරව තියාගන්න ලොකු භූමිකාවක් ඉටු කරලා තියෙනවා.
ඒත් දැන් ඔවුන් කියන්නේ සංවිධානයෙන් ඉවත් වුණත්, ලෝක වෙළෙඳපොළේ වගකීම් සහිත හවුල්කරුවෙක් විදිහට ඉදිරියටත් කටයුතු කරනවා කියලා.
ඔවුන්ගේ නිවේදනයේ කියලා තියෙන්නේ මෙහෙමයි:
“අපි ගන්න මේ තීරණයෙන් ලෝක වෙළෙඳපොළ ස්ථාවරතාවයට අපේ කැපවීම වෙනස් වෙන්නේ නැහැ. අපි කරන්නෙ වෙළෙඳපොළේ අවශ්යතාවලට හොඳින් ප්රතිචාර දක්වන්න අපේ හැකියාව වැඩි කරගන්න එකයි.”
අනාගතයේදීත් තෙල් නිෂ්පාදනය වෙළෙඳපොළ ඉල්ලුමට ගැළපෙන විදිහට හොඳට කළමනාකරණය කරනවා කියලාත් ඔවුන් සහතික කරලා තියෙනවා.