අද වැසි රහිත කාලගුණයක්
අද දිනයේදී දකුණු සහ ඌව පළාත්වල සහ රත්නපුර දිස්ත්‍රික්කයේ ස්ථාන කිහිපයක සවස් කාලයේ හෝ රාත්‍රී කාලයේ වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා.
අනෙකුත් පළාත්වල ප්‍රධාන වශයෙන් වැසි රහිත කාලගුණයක් පවතිනු ඇති අතර, බස්නාහිර, සබරගමුව, මධ්‍යම, දකුණු සහ ඌව පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් අපේක්ෂා කළ හැකි බවයි ඔවුන් සඳහන් කරන්නේ.
ගිගුරුම් සහිත වැසිත් සමග ඇති වන තාවකාලිකව තද සුළං සහ අකුණු මඟින් සිදුවන හානි අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව තවදුරටත් දැනුම් දෙනවා.