අයිස් මත්ද්‍රව්‍ය සමග සැකකරුවෙක් අත්අඩංගුවට

අයිස් මත්ද්‍රව්‍ය ග්‍රෑම් 08යි මිලි ග්‍රෑම් 260ක් සමග පුද්ගලයෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.

ඒ, ඊයේ (05) උදෑසන එම නිළධාරීන් ජාඇල පොලිස් වසමේ ඒකල ප්‍රදේශයේ දී සිදුකළ වැටලීමක දීයි.

සැකකරු 33 හැවිරිදි ජාඇල – ඒකල ප්‍රදේශයේ පදිංචිකරුවෙක් වනවා.

සැකකරු මේ වනවිට ජාඇල පොලිස් ස්ථානය වෙත භාර දී ඇති අතර සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.