ඉන්දියානු පිතිකරුවන් අසරණ වෙයි

සංචාරක ඉන්දිය කණ්ඩායම සහ ඔස්ට්‍රේලියාව අතර පැවැත්වෙන සිව් වන ටෙස්ට් ක්‍රිකට් තරගයේ දෙවන දිනය අද (27) අවසන් වුණා.

තරගය නතර කරන විට සිය පළමු ඉනිම සඳහා පන්දුවට පහර දෙන ඉන්දිය කණ්ඩායම කඩුලු 05ක් දැවි ලබා සිටි ලකුණු සංඛ්‍යාව 164ක්.

ඒ අනුව ඔවුන් ඔස්ට්‍රේලියානු පළමු ඉනිමට වඩා 310ක් පිටුපසින් පසුවන්නේ, කඩුලු 05ක් අතැතිවයි.

එහිදී යශ්වි ජයස්වාල් ලකුණු 82ක් සහ විරාත් කෝලි ලකුණු 36ක් ලබාගත්තා.

පන්දු යැවීමේදී පැට් කමිංග්ස් සහ ස්කොට් බොලැන්ඩ් කඩුලු දෙක බැගින් බිඳහෙළීමටයි සමත් වුණේ.

තරගයේ ප්‍රථමයෙන් පන්දුවට පහර දුන් ඔස්ට්‍රේලියානු කණ්ඩායම සියලු දෙනා දැවී රැස්කරගත් ලකුණු 474ක් රැස්කරගත්තා.

එහිදී ස්ටිවන් ස්මිත් ලකුණු 140ක්, සෑම් කොන්ස්ටස් ලකුණු 60ක් සහ උස්මන් කවාජා ලකුණු 57ක් ලබාගැනීමටයි සමත් වුණේ.

පන්දු යැවීමේදී ජස්ප්‍රිට් බුම්රා කඩුලු 04ක් රවින්ද්‍ර ජඩේජා කඩුලු 03ක් දවගත්තා.

තරගය පැවැත්වෙන්නේ, මෙල්බර්න්හිදීයි.