බෝක්කුවකින් මළ සිරුරක් හමුවෙයි

මඩොල්සිම පොලිස් වසමට අයත් පිටමාරුව රෝබේරිය රෙට්ටේ බෝක්කුව අසල තිබී පිරිමි මළ සිරුරක් හමුව තිබෙනවා.

අද (20) දහවල් 11.00 ට පමණ මෙම පිරිමි මළ සිරුර හමු වූ බවයි මඩොල්සිම පොලීසිය සඳහන් කළේ.

මෙම පුද්ගලයා මීගහකිවුල ප්‍රදේශයේ පදිංචි ආර්.එම්. ගුණරත්න නමැති වයස අවුරුදු 80ක් පමණ වන පුද්ගලයෙකු බවට හඳුනාගෙන තිබෙනවා.

මොහු මිය යාමට හේතුව හෝ මළ සිරුර එම ස්ථානයේ පවතින්නේ කෙසේද යන්න මෙතෙක් අනාවරණය වී නැහැ.

සිද්ධිය සම්බන්ධයෙන් මඩොල්සිම පොලීසිය විසින් වැඩිදුර පරීක්ෂණ ක්‍රියාත්මකයි.

මීගහකිවුල - එන් නවරත්න