නීති විරෝධී මත්පැන් ප්‍රවාහනය කරමින් සිටි අඹු සැමි යුවලක් අත්අඩංගුවට
නීති විරෝධී මත්පැන් තොගයක්, කැබ් රථයකින් ප්‍රවාහනය කරමින් සිටි සැකකරුවන් දෙදෙනෙකු අත්අඩංගුවට ගෙන තිබෙනවා.
ඒ, ලද තොරතුරක් මත බණ්ඩාරගම පොලිස් ස්ථානයේ නිලධාරීන් කණ්ඩායමක් විසින් සිදුකළ වැටලීමකදී යි.
එලෙස අත්අඩංගුවට ගෙන ඇත්තේ අඹු සැමි යුවලක්.
56 හැවිරිදි සැකකාර පුද්ගලයා සහ 43 හැවිරිදි සැකකාර කාන්තාව කිදෙල්පිටිය ප්‍රදේශයේ පදිංචිකරුවන් වනවා.
එහිදී අදාළ කැබ් රථයේ නීති විරෝධී මත්පැන් ලීටර් 337.5ක් තිබී පොලිස් භාරයට ගෙන තිබෙනවා.
නීති විරෝධී මත්පැන් තොගය මෙන්ම අදාළ කැබ් රථය සහ මත්පැන් ජාවාරමෙන් උපයාගන්නා ලද බවට සැක කරන රුපියල් 121,298ක මුදලක් ද පොලිස් භාරයට ගැනීමටයි එහිදී පොලීසිය පියවර ගෙන ඇත්තේ.
සිද්ධිය සම්බන්ධයෙන් බණ්ඩාරගම පොලීසිය විසින් වැඩිදුර විමර්ශන ක්‍රියාත්මකයි.