සටන් විරාමය නිමේෂයකින් අවසන් විය හැකියි

අමෙරිකානු ජනාධිපති Donald Trump සඳුදා ප්‍රකාශ කළේ, ඉරානය සමඟ ඇති කරගැනීමට උත්සාහ කරන සටන් විරාමය මේ වනවිට “ඉතා අවදානම් තත්ත්වයක” පවතින බවයි.

ඒ, යුද්ධය අවසන් කිරීම සඳහා අමෙරිකාව ඉදිරිපත් කළ යෝජනාවට ඉරානය ලබාදුන් ප්‍රතිචාරයෙන්, දෙපාර්ශ්වය තවමත් කරුණු ගණනාවක් සම්බන්ධයෙන් දැඩි ලෙස එකඟ නොවන බව පැහැදිලි වීමත් සමඟයි.

ඉරානය පවසන්නේ, යුද්ධය සියලුම පෙරමුණුවලින් අවසන් කළ යුතු බවයි. ඊට Lebanon ද ඇතුළත් වන අතර, එහිදී අමෙරිකාවේ මිත්‍ර රාජ්‍යයක් වන Israel සහ ඉරානයට සහාය දක්වන Hezbollah සංවිධානය අතර ගැටුම් පවතිනවා.

ඊට අමතරව, යුද්ධයෙන් සිදුවූ හානි සඳහා වන්දි ලබාදීම, අමෙරිකානු නාවික අවහිරය ඉවත් කිරීම, ඉදිරියේදී තවත් ප්‍රහාර එල්ල නොකරන බවට සහතිකයක් ලබාදීම සහ ඉරාන තෙල් අලෙවිය නැවත ආරම්භ කිරීමත් ඉරානය ඉල්ලා සිටිනවා.