මාවිල්ආරු ප්රධාන සොරොව්ව ප්රතිසංස්කරණයෙන් පසු යල කන්නය සඳහා ජලය මුදා හැරේ
මෑතකදි ඇතිවුණ දිට්වා ගංවතුර නිසා හානි වුණ මාවිල්ආරු ප්රධාන සොරොව්ව අලුත්වැඩියා කරලා තියෙනවා. ඒක ඉවර කරලා ඊයේ (30) යල කන්නයට වගා වැඩට අවශ්ය ජලය නිල වශයෙන් සුබ මොහොතිකින් මුදාහැරලා.
මේ මාවිල්ආරු ජලාශයෙන් අල්ල ගොවි ජනපදයට අයත් අක්කර 40,000ක් වගේ කුඹුරු ප්රමාණයක් ජලය ලබාගන්නවා. ඒ වගේම සේරුවිල, වෙරුගල්, මූතූර් කියන ප්රදේශවල ගොවි පවුල් 10,000කට ආසන්න පිරිසක් තම කෘෂිකාර්මික වැඩකටයුතු සඳහා මේ ජලය මත බරපතලවම රඳා පවතිනවා.
පසුගිය ගංවතුරෙන් මේ ජලාශයත්, බැම්මත් බොහෝ දුරට විනාශ වෙලා තිබුණා. ඒ නිසා අලුත්වැඩියා කටයුතු ඉක්මනින් ආරම්භ කරලා තියෙනවා.
දැන් ඒ වැඩවල ප්රධාන කොටසක් විදිහට, යල කන්නය ආරම්භ වෙන්න කලින්ම ප්රධාන සොරොව්ව හදාගෙන තියෙන නිසා, ගොවිතැන් වැඩට අවශ්ය ජලය ආයෙත් නිකුත් කරන්න පුළුවන් තත්ත්වයට පත් වෙලා තියෙනවා.