2026 වසරේ ඉදිරි විභාග ගැන විභාග කොමසාරිස්ගෙන් විශේෂ දැනුම්දීමක්
ඉදිරියේ දී පැවැත්වීමට නියමිත ශිෂ්යත්වය, උසස් පෙළ සහ 2026 වසරේ සාමාන්ය පෙළ විභාගයන් වෙන්කරන ලද නියමිත දිනවලදීම පැවැත්වීමට අපේක්ෂා කරන බව විභාග කොමසාරිස් ජනරාල්, ඒ. කේ. එස්. ඉන්දිකා කුමාරි ලියනගේ මහත්මිය පවසනවා.
ඊයේ (31) නිකුත් කළ උසස් පෙළ විභාග ප්රතිඵල සම්බන්ධයෙන් මාධ්ය දැනුවත් කිරීමේ මාධ්ය හමුවට එක්වෙමින් ඇය සඳහන් කරන්නේ, පසුගිය වසරේ සැප්තැම්බර් මාසයේ දී 2026 වසරේ විභාගයන් පැවැත්වෙන දින දැනුම් දුන් බවත් ඒ අනුව සිසුන් අදාළ දිනයන්ට අනුව සිය අධ්යයන කටයුතු සිදුකරන ලෙසය.
යම් යම් හේතූන් මත විභාග පැවැත්වෙන කාලසීමාවන් වෙනස් වීම හේතුවෙන් පසුගිය කාලය පුරාම දරුවන් දැඩි අසීරුතාවයට පත්වූ බවත් ඒ නිසාවෙන් මේ වසරේ දැනුම්දෙන ලද දිනයන්හිදීම විභාග පැවැත්වීමට අපේක්ෂා කරන බවත් ඉන්දිකා කුමාරි මහත්මිය සඳහන් කරයි.
මේ අතර, 2025 සාමාන්ය පෙළ විභාගයේ ප්රායෝගික පරීක්ෂණ අප්රේල් 22 – 30 දක්වා පැවැත්වෙන බවත් මේ වනවිට පළමු අදියරේ ඇගයීම් කටයුතු අවසන් කර ඇති අතර, අද (01) දිනයේ සිට දෙවැනි වටයේ ඇගයීම් කටයුතු ආරම්භ කරන බවත් විභාග කොමසාරිස් ජනරාල්වරිය මෙහිදී වැඩිදුරටත් පවසා සිටිනවා.
අප්රේල් මස 30 වන දින සිට තුන්වන අදියරේ ඇගයීම් කටයුතු සිදුකරනු ලබන බවත් ඇය සඳහන් කරන අතර ඒ අනුව 2026 වසරේ ශිෂ්යත්ව විභාගය අගෝස්තු මස 9 වන දිනත්, උසස් පෙළ අගෝස්තු 10 වන දිනත් සාමාන්ය පෙළ විභාගය දෙසැම්බර් මස 8 වන දිනත් පැවැත්වීමට නියමිතව ඇති බව ඇය වැඩි දුරටත් සදහන් කරනවා.