ජනගහනයෙන් 10%කට වකුගඩු රෝග -මහජන සෞඛ්ය සේවා නියෝජ්ය අධ්යක්ෂ ජනරාල්
මෙරට ජනගහනයෙන් 10%ක් වකුගඩු රෝගීන් බවට ඇස්තමේන්තු කර ඇතැයි සෞඛ්ය අමාත්යාංශයේ අතිරේක ලේකම්, මහජන සෞඛ්ය සේවා (වැඩ බලන), නියෝජ්ය අධ්යක්ෂ ජනරාල් ප්රජා වෛද්ය විශේෂඥ චම්පිකා වික්රමසිංහ මහත්මිය පවසයි.
දියවැඩියාවෙන් හා අධික රුධිර පීඩනයෙන් පෙළෙන පුද්ගලයන් වසරකට වරක්වත් වකුගඩු සෞඛ්ය පරීක්ෂණයකට ලක් විය යුතු බවටත් ඇය වැඩි දුරටත් කියා සිටියාය.
වකුගඩු පරීක්ෂාව සඳහා රට පුරා පරීක්ෂණ මධ්යස්ථාන ස්ථාපිත කිරීමේ විශේෂ වැඩපිළිවෙළක් ක්රියාවට නංවන බව කියා සිටි ඇය වකුගඩු රෝගය නිසා දිනකට පුද්ගලයන් 4ක් හෝ 5ක් මරණයට පත් වන බවත් වාර්ෂිකව අලුතින් රෝගීන් 5,000ක් පමණ හඳුනාගන්නා බවත් ඇය ප්රකාශ කළාය. දියවැඩියාව, අධික රුධිර පීඩනය යනාදි රෝගවලින් පෙළෙන පුද්ගලයන් වකුගඩු රෝගයට ඉතා ඉක්මනින් ගොදුරුවන බවත් කියා සිටියාය.
වකුගඩු රෝගයෙන් පෙළෙමින් අවසන් අදියරේ සිටින රෝගීන් 20,000ක් පමණ රට පුරා සිටින බවද ඇය පැවසුවාය. වාර්ෂිකව හීමෝඩයලසීස් ප්රතිකාර ලබාදිය හැක්කේ රෝගීන් 5,000කට පමණක් බවත්, ඊට අමතරව රෝගීන් 300කට පමණ වකුගඩු බද්ධ කිරීම සිදු කරන බවත් ඇය ප්රකාශ කළාය.
