අල්ලන මත්ද්රව්ය එසැණින් විනාශ කරන නීති සංශෝධනය කිරීමේ කමිටුව ජනපති හමුවෙයි
අත්අඩංගුවට ගත් මත්ද්රව්ය තොග ඉක්මනින් විනාශ කිරීමේ කාර්යය සඳහා ඇති නෛතික බාධා ඉවත් කිරීමට අදාළ නීති සංශෝධනය කිරීම වෙනුවෙන් පත් කළ කමිටුව සහ ජනාධිපති අනුර කුමාර දිසානායක මහතා අතර හමුවක් ජනාධිපති කාර්යාලයේ දී පැවැත්විණි.
විෂ මත්ද්රව්ය උවදුර තුරන් කිරීම වෙනුවෙන් රජය ගෙන යන වැඩපිළිවෙළ පිළිබඳ සමාජ විශ්වාසය තහවුරු කිරීමේදී අත්අඩංගුවට පත් වන මත්ද්රව්ය තොග හැකි ඉක්මනින් විනාශ කිරීමේ අවශ්යතාව මෙහිදී පෙන්වා දුන් ජනාධිපතිවරයා, ඒ වෙනුවෙන් විධිමත් ක්රියාවලියක් කඩිනමින් සකස් කළ යුතු බවද අවධාරණය කළේය.
මෙම ක්රියාවලිය කඩිනම් කිරීමට නීති සංශෝධන කෙටුම්පතක් මේ වන විටත් සකස් කරනු ලැබ ඇති අතර එම කෙටුම්පතෙහි දක්වා ඇති ප්රතිපාදන අනුව අත්අඩංගුවට පත් මත්ද්රව්ය විනාශ කිරීම සඳහා ගත වන කාලය තවදුරටත් අඩු කර ගැනීමේ හැකියාව පිළිබඳ මෙහිදී දීර්ඝ ලෙස විමසා බැලිණි.