“පකිස්ථානය අසාර්ථක රාජ්‍යයක්” ඉන්දියාව කියයි.
එක්සත් ජාතීන්ගේ මානව හිමිකම් කවුන්සිලයේ (UNHRC) 58 වන සැසිවාරයේ හත්වන රැස්වීමේදී ඉන්දියාව විසින් පාකිස්ථානය දැඩි ලෙස විවේචනය කරමින් පාකිස්ථානය අසාර්ථක රාජ්‍යයක් ලෙස හඳුන්වනු ලැබීය.
ජිනීවාහි එක්සත් ජාතීන්ගේ සංවිධානයේ ඉන්දියාවේ ස්ථිර නියෝජිත ක්ෂිතිජ් ත්‍යාගි පකිස්ථාන නායකත්වය තම හමුදාව විසින් නියම කරන ලද අසත්‍යයන් පවත්වාගෙන යන බවට චෝදනා කළේය. ජම්මු සහ කාශ්මීරයේ මානව හිමිකම් උල්ලංඝනය කිරීම් පිළිබඳ පකිස්ථාන නීති අමාත්‍ය අසාම් නසීර් ටාරාර්ගේ චෝදනාවලට ප්‍රතිචාර වශයෙන් ත්‍යාගිගේ ප්‍රකාශය නිකුත් විය.
ත්‍යාගිගේ ප්‍රකාශනයේ සඳහන් වූයේ “පකිස්තානය OIC සංවිධානය තම මාධ්‍ය ආයතනය ලෙස අනිසි ලෙස භාවිතා කරමින් එය සමච්චලයට ලක් කරයි. අස්ථාවරත්වයෙන් සමෘද්ධිමත් වන සහ ජාත්‍යන්තර ආධාර මත දිවි ගෙවන අසාර්ථක රාජ්‍යයක් විසින් මෙම කවුන්සිලයේ කාලය අඛණ්ඩව නාස්ති කිරීම අවාසනාවන්තයි. එය කුහකකම, අමානුෂික ක්‍රියා සහ නොහැකියාවෙන් පිරුණු පාලනයකි. ඉන්දියාව තවමත් ප්‍රජාතන්ත්‍රවාදය, ප්‍රගතිය සහ එහි ජනතාවගේ ගෞරවය සහතික කිරීම කෙරෙහි අවධානය යොමු කර ඇත. නමුත් පකිස්තානය ඉගෙන ගත යුතු වටිනාකම් රැසක් ඇත.” යනුවෙනි.
තවද ඉන්දීය නියෝජිතයා පාකිස්තානය ජාත්‍යන්තර වේදිකා අනිසි ලෙස භාවිතා කරමින් ඉන්දීය විරෝධී වාචාල කතා ඉදිරිපත් කරන බවට චෝදනා කළේය.
තම ප්‍රතිචාරය දිගටම කරගෙන යමින් ජම්මු සහ කාශ්මීර සහ ලඩාක් යන යුනියන් ප්‍රදේශ ඉන්දියාවේ අනිවාර්ය කොටස් බව ත්‍යාගි නැවතත් අවධාරණය කළේය. එසේම පාකිස්තානයේ නොසන්සුන්තාව පිළිබඳ ප්‍රකාශයන්ට වෙනස්ව මෑත වසරවලදී මෙම කලාපවල අත්පත් කරගත් සැලකිය යුතු සංවර්ධනය සහ ස්ථාවරත්වය ඔහු පෙන්වා දුන්නේය.
මීට අමතරව ත්‍යාගි ප්‍රකාශ කළේ සුළු ජාතීන්ට හිංසා කිරීම, දේශපාලන විසම්මුතිය මර්දනය කිරීම සහ ජාත්‍යන්තරව අනුමත කරන ලද ත්‍රස්තවාදීන්ට රැකවරණය සැලසීම පිළිබඳ තමන්ගේම වාර්තාව සැලකිල්ලට ගෙන මානව හිමිකම් හෝ ප්‍රජාතන්ත්‍රවාදය ගැන කතා කිරීමට පාකිස්තානයට කිසිදු විශ්වසනීයත්වයක් නොමැති බවයි.
– සඳුනි තිලකරත්න