සේවකයන්ට දෙන බත් එකේ රස ගුණ වැඩි කරන්න ඇමැති අනුර වරායේ කුස්සියට බහී
දිනකට සේවකයින් 7,500කට විතර ආහාර හදන ශ්රී ලංකා වරාය අධිකාරියේ ප්රධාන මුළුතැන්ගෙය අද වරාය හා සිවිල් ගුවන්සේවා අමාත්ය අනුර කරුණාතිලක මහතා නිරීක්ෂණයට ලක් කළා.
සේවකයින්ට දෙන කෑමවල ගුණාත්මකභාවය, සෞඛ්යාරක්ෂිතභාවය සහ ආහාර හදන ක්රමවේදය ගැන මෙහිදී විශේෂයෙන් සොයා බැලූ බවයි සඳහන් වෙන්නේ.
පසුගිය කාලයේ සේවකයින්ගෙන් ආහාරයේ ප්රමිතිය ගැන පැමිණිලි ලැබිලා තිබුණා කියලාත්, ඒ ගැන අමාත්යවරයාගේ අවධානය යොමු වුණා. වරාය අධිකාරිය ලොකු මුදලක් වැය කරලා සේවකයින්ට ආහාර ලබාදෙන නිසා, ඒ ආහාර හොඳ ප්රමිතියකින් සහ සෞඛ්යාරක්ෂිතව පවත්වාගෙන යා යුතු බවත් අමාත්යවරයා අවධාරණය කළා.
මේ අතර,
* මුළුතැන්ගෙය නවීකරණය කරන්න
* අලුත් නවීන උපකරණ ලබාගන්න
* මුළුතැන්ගෙය නිතර පරීක්ෂා කරන්න
කියලා වරාය අධිකාරී කළමනාකාරීත්වයට උපදෙස් දී තිබෙනවා.
මෙම නිරීක්ෂණ චාරිකාවට නියෝජ්ය අමාත්ය ජනිත රුවන් කොඩිතුවක්කු මහතා, අමාත්යාංශ ලේකම් ඩබ්ලිව්.ඩබ්ලිව්.එස්. මංගල මහතා සහ ශ්රී ලංකා වරාය අධිකාරියේ සභාපති පරාක්රම දිසානායක මහතා ඇතුළු පිරිසක්ද එක්ව සිටියා.