මේ වසරේ දරුණු සුපර් El Nino එකක් – වසර 139කට පසු ප්රබලතම දේශගුණික විපර්යාසය
පෘථිවියේ වඩාත් භයානක දේශගුණික රටාවන් අතරින් එකක් ලෙස සැලකෙන “එල් නිනෝ” (El Niño) තත්ත්වය 2026 වසරේදී යළිත් වර්ධනය වෙමින් පවතින බව විද්යාඥයෝ අනතුරු අඟවා සිටිති.
දේශගුණික ආකෘති අනුව, මෙය නූතන ඉතිහාසයේ වාර්තා වූ ප්රබලතම එල් නිනෝ තත්ත්වයක් විය හැකි අතර, 1877 වසරේ සිදුවූ අතිශය දරුණු එල් නිනෝ තත්ත්වය පවා අභිබවා යා හැකි බව සඳහන් වේ.
පැසිෆික් සාගරයේ සමක කලාපය පුරා අසාමාන්ය ලෙස උණුසුම් ජලය පැතිරීමෙන් ආරම්භ වන මෙම සංසිද්ධිය, පෘථිවියේ වායුගෝලීය සංසරණයට බලපෑම් කරමින් ලොව පුරා වර්ෂාපතන රටා, නියඟ, කුණාටු සහ උෂ්ණත්වයන්හි දැඩි වෙනස්කම් ඇති කරයි.
විද්යාඥයින් පෙන්වා දෙන්නේ මෙම තත්ත්වය හේතුවෙන් ලොව පුරා බෝග අසාර්ථක වීම්, මාරාන්තික තාප තරංග, දැඩි නියඟ, විනාශකාරී ගංවතුර සහ කොරල් පර විනාශ වීම වැනි බරපතල ප්රතිවිපාක ඇති විය හැකි බවයි.
තවද, දැනටමත් ගෝලීය උෂ්ණත්වය ඉහළ මට්ටමක පවතින බැවින්, නව එල් නිනෝ තත්ත්වය ගෝලීය උණුසුම සමඟ එක්වී ආහාර සැපයුම, බලශක්ති පද්ධති සහ මහජන සෞඛ්යයට දැඩි පීඩනයක් එල්ල කළ හැකි බවද පර්යේෂකයෝ පවසති.
පුරෝකථන තවදුරටත් වෙනස් විය හැකි වුවද, 2026 වසරේදී වාර්තාගත තීව්රතාවයකින් යුත් “Super El Niño” තත්ත්වයක් ඇතිවීමේ අවදානම ඉහළ මට්ටමක පවතින බව විද්යාත්මක වාර්තා මගින් පෙන්වා දී ඇත.