මදුරු මර්දනයට පිරිමි මදුරුවන් මිලියන 32ක් පරිසරයට මුදා හරින අමුතුම වැඩක්
මදුරුවන් මගින් පැතිරෙන රෝග පාලනය කිරීමේ අරමුණින්, ඉදිරි වසර දෙක තුළ රසායනාගාරවල නිෂ්පාදනය කළ පිරිමි මදුරුවන් මිලියන 32ක් ෆ්ලොරිඩා සහ කැලිෆෝනියා ප්රාන්තවල මුදා හැරීමට අනුමැතිය ලබා ගැනීමට Google සමාගම උත්සාහ දරනවා.
මෙම ව්යාපෘතිය Google සමාගමේ Debug වැඩසටහන යටතේ ක්රියාත්මක වන අතර, 2014 වසරේදී මදුරු ගහනය පාලනය කිරීම සඳහා නව ක්රමවේද සොයා බැලීමේ අරමුණින් එය ආරම්භ කර තිබෙනවා.
සාම්ප්රදායික රසායනික ද්රව්ය හෝ මදුරු නාශක ඉසීම වෙනුවට, මෙම ක්රමය විද්යාත්මක ජෛව තාක්ෂණික ප්රවේශයක් භාවිත කරමින් රෝග ව්යාප්ත කරන මදුරු ගහනය ක්රමයෙන් අඩු කිරීමට සැලසුම් කර තිබෙනවා.
ව්යාපෘතිය සඳහා භාවිත කරන පිරිමි මදුරුවන් Wolbachia නම් බැක්ටීරියා විශේෂයකින් ආසාදනය කර ඇති අතර, ඔවුන් වනයේ සිටින ගැහැණු මදුරුවන් සමඟ සංසර්ගයේ යෙදෙන විට බිත්තර පුපුරා නොයන බව සඳහන් වෙනවා. ඒ හේතුවෙන් ඉලක්කගත ප්රදේශවල මදුරු ජනගහනය කාලයත් සමඟ අඩු විය හැකි බව විද්යාඥයන් පෙන්වා දෙනවා.
Google සමාගම අවධාරණය කරන්නේ මුදා හරිනු ලබන්නේ පිරිමි මදුරුවන් පමණක් බවත්, පිරිමි මදුරුවන් මිනිසුන්ට දෂ්ට නොකරන බවත්ය.
යෝජනාවට අනුමැතිය හිමිවුවහොත්, වාර්ෂිකව මදුරුවන් මිලියන 16ක් පමණ මුදා හැරීමට සැලසුම් කර තිබෙනවා.
මෙම වැඩසටහන මේ වනවිට ඇමරිකානු පරිසර ආරක්ෂණ ඒජන්සිය (EPA) විසින් සමාලෝචනය කරමින් සිටින අතර, අනුමැතිය ලැබුණහොත් මදුරුවන් මගින් පැතිරෙන රෝගවලට එරෙහිව ජෛව තාක්ෂණය යොදා ගැනීමේ වැදගත් පියවරක් ලෙස මෙය සැලකෙනු ඇති.