ඛේදවාචක පහකට මුහුණ දුන් රටේ ජනතාව ජවිපේ බොරුකාර දේශපාලන ඛේදවාචකයටත් හසුවුණා – විපක්ෂ නායක සජිත් ප්රේමදාස මහතා
විපක්ෂ නායක සජිත් ප්රේමදාස මහතා මාතර අකුරැස්ස ප්රදේශයේ ජන හමුවකදී රජයත්, ජනතා විමුක්ති පෙරමුණත් දැඩි ලෙස විවේචනය කරලා තියෙනවා.
ඔහු කියන්නේ පාස්කු ප්රහාරය, මැදපෙරදිග යුද්ධය වගේ විවිධ ඛේදවාචක පහකට රට මුහුණ දුන්නත්, දැන් රට “සයවන ඛේදවාචකය”කට මුහුණ දීලා තියෙන්නේ මේ ආණ්ඩුවේ “බොරුව පිරුණු දේශපාලනය” නිසා කියලා.
රජය දිනපතා ජනතාව රවටන බොරු ප්රචාර කරමින් රටට හානියක් කරනවා කියලත් ඔහු චෝදනා කළා.
සමගි ජන බලවේගය ගැන කතා කරමින් ඔහු කියලා තියෙන්නේ, ඔවුන්ගේ වැඩපිළිවෙළ සමාජ ප්රජාතන්ත්රවාදී ක්රමයක් තුළ රට සංවර්ධනය කරලා නැවත ගොඩනගන්න එක කියලා. ඒත් රට මේ වන විට බංකොලොත් නිසා ඒක අමාරු තත්ත්වයක් බවත් ඔහු සඳහන් කරලා තියෙනවා.
එසේම, රට බංකොලොත් කළ අයට විරුද්ධව තම පක්ෂය ශ්රේෂ්ඨාධිකරණයට ගිය බවත්, එහිදී මූලික අයිතිවාසිකම් උල්ලංඝනය වී ඇති බවට තීන්දුවක් ලැබුණා කියලත් ඔහු කියනවා.
IMF ගිවිසුම ගැනත් ඔහු කතා කරලා තියෙනවා. රජය ඩොලර් මිලියන ගණන් ගෙන ඒම ගැන කියන දේවල් “බොරු” කියලා ඔහු පවසන අතර, IMF එක එවැනි ආධාරවලට විරුද්ධ නැති බවත් ඔහු අවධාරණය කරලා තියෙනවා.
ඉන්ධන, විදුලි බිල වගේ දේවල් ගැනත් ඔහු කියන්නේ රජය බලයට එනකොට කියපු දේවල් ඉටු කරලා නැහැ කියලා. විදුලි බිල අඩු කරනවා කිව්වත් ඒක වැඩිවෙලා තියෙනවා කියලත්, ඉන්ධනත් බදු ගහලා වැඩිම මිලකට දෙන රටක් බවට ලංකාව පත්වෙලා තියෙනවා කියලත් ඔහු කියනවා.
අවසානයට ඔහු අනුර කුමාර දිසානායක ජනාධිපතිවරයා ගැනත් කතා කරලා, IMF ගිවිසුම ගැන කලින් කියපු දේවල් ඉටු කරන්න බැරිවෙලා තියෙනවා කියලා චෝදනා කරලා තියෙනවා. “බොරු දේශපාලනය” නවත්වලා ජනතාව තවදුරටත් නොරවටන ලෙසත් ඔහු ඉල්ලා තියෙනවා.