ගල්කිස්සේ වෙඩි තැබීමෙන් තුවාල ලැබූ අනෙක් පුද්ගලයාත් මරුට

ගල්කිස්ස – වටරප්පල පාර ප්‍රදේශයේ අද (07) අළුයම සිදු වූ වෙඩි තැබීමෙන් තුවාල ලබා රෝහල්ගත කර සිටි අනෙක් පුද්ගලයා ද මියගොස් තිබෙනවා.

එලෙස මියගොස් ඇත්තේ, 20 හැවිරිදි තරුණයෙක්.

වෙඩිවැදීමෙන් තුවාල ලබා කළුබෝවිල රෝහලේ ප්‍රතිකාර ලබමින් සිටිය දී මෙම පුද්ගලයා මියගොස් තිබෙනවා.

අද අළුයම 4.35ට පමණ ගල්කිස්ස – වටරප්පල පාර ප්‍රදේශයේ නිවසකට මෙම වෙඩි තැබීම සිදුකර තිබුණා.

එහිදී 36 හැවිරිදි පුද්ගලයෙකු එම ස්ථානයෙදීම මියගොස් තිබු අතර තුවාල ලැබූ අනෙක් පුද්ගලයා ප්‍රතිකාර ලබමින් සිටියදී මෙලෙස මියගොස් ඇති බවයි පොලීසිය සඳහන් කළේ.

නාඳුනන තුවක්කරුවන් දෙදෙනෙක් විසින් යතුරු පැදියකින් පැමිණ මෙම වෙඩි තැබීම සිදුකර ඇති බව සඳහන්.

කෙසේ වෙතත් මෙම වෙඩි තැබීමට නිශ්චිත හේතුව මෙතෙක් අනාවරණ වී නැහැ.

සිද්ධිය සම්බන්ධයෙන් පොලීසිය විසින් වැඩිදුර විමර්ශන ක්‍රියාත්මකයි.