පිරිමි සතුන් නැතිව අවුරුදු ලක්ෂයක් ජීවත්වෙලා
සාමාන්යයෙන් විද්යාඥයන් කියන්නේ පිරිමි සතුන් නැතිව, ලිංගික ප්රජනනයක් නැතිව බෝවන සත්ව විශේෂ දිගු කාලයක් පවතින්න අමාරුයි කියලයි. ජානවල දෝෂ එකතු වෙලා අවසානයේ ඒ වර්ගය වඳ වෙලා යා හැකි බවයි ඔවුන්ගේ අදහස.
හැබැයි ඇමසන් මොලි කියන පුංචි මත්ස්ය විශේෂය මේ නියමයට අභියෝග කරනවා. මොකද මේ මසුන් වසර ලක්ෂයකට ආසන්න කාලයක් පුරා පිරිමි සතුන් නොමැතිව සාර්ථකව ජීවත් වෙලා තියෙනවා.
විශේෂම දේ තමයි මේ මත්ස්ය රංචුවල ඉන්නේ ගැහැණු සතුන් විතරයි. පැටවුන් බිහිකරන්න ඔවුන් වෙනත් සමීප මත්ස්ය විශේෂවල පිරිමි සතුන්ගේ ශුක්රාණු භාවිතා කරනවා. ඒත් ඒ පිරිමි මත්ස්යයන්ගේ ජාන පැටවුන්ට එකතු වෙන්නේ නැහැ. ශුක්රාණුවෙන් වෙන්නේ බිත්තරය පණ ගැන්වීම විතරයි.
ඒ නිසා උපදින හැම පැටවෙකුම ගැහැණු සතෙක්. ඔවුන් මවගේම පිටපත් වගේමයි.
විද්යාඥයන් දැන් සොයාගෙන තියෙන්නේ මේ මසුන්ගේ සිරුරට ජාන හානි අලුත්වැඩියා කරගන්න පුදුමාකාර ක්රමයක් තියෙනවා කියලා.
ජානයක දෝෂයක් ඇති වුණාම, හොඳ ජාන කොටසක් භාවිතා කරලා ඒ දෝෂය නිවැරදි කරගන්නවා. ඒක හරියට පරිගණකයක “Copy-Paste” කරනවා වගේ වැඩක්.
විශේෂයෙන්ම ජානවලට හානි වීමට වැඩි ඉඩ තියෙන තැන් හඳුනාගෙන, ඒවා නිතරම අලුත්වැඩියා කරගන්න හැකියාව මේ මත්ස්යයන්ට තියෙන බව පර්යේෂකයන් කියනවා.
තවත් හේතුවක් තමයි, මේ විශේෂය වසර 100,000කට පෙර වෙනස් මත්ස්ය විශේෂ දෙකක් එකතු වීමෙන් බිහිවෙලා තිබීම. ඒ නිසා මුල සිටම ශක්තිමත් සහ විවිධත්වයෙන් යුතු ජාන එකතුවක් ඔවුන්ට ලැබිලා තියෙනවා.
මේ සොයාගැනීමෙන් පෙනී යන්නේ ජාන නිරෝගීව තබාගන්න ලිංගික ප්රජනනය විතරක් නෙවෙයි, ස්වභාවධර්මයට තවත් බුද්ධිමත් ක්රමත් තියෙනවා කියන එකයි.