‘දිට්වා’ කුණාටුවෙන් හානි වූ ටැම්පිට විහාරය යළි ගොඩනගයි

මේ වැඩේ කරන්නේ බුද්ධශාසන, ආගමික හා සංස්කෘතික කටයුතු අමාත්‍යාංශයේ අධීක්ෂණය යටතේ මධ්‍යම සංස්කෘතික අරමුදල. මහනුවර යුගයට අයත් ඉතා වටිනා ඉතිහාසයක් තියෙන මේ ටැම්පිට විහාරය සම්පූර්ණයෙන්ම යථා තත්ත්වයට ගේන්න තමයි මේ මුදල් වෙන් කරලා තියෙන්නේ.

මෙම අවස්ථාවට මහා සංඝරත්නය, අමාත්‍යවරු, රාජ්‍ය නිලධාරීන් සහ ප්‍රදේශවාසීන් විශාල පිරිසක් සහභාගී වෙලා තිබුණා.

රාජ්‍ය පරිපාලන අමාත්‍ය මහාචාර්ය චන්දන අබේරත්න මහතා කියලා තියෙන්නේ, රටේ ආර්ථික අමාරුකම් තිබුණත් ආගමික ස්ථාන ආරක්ෂා කරන්න රජය ප්‍රමුඛත්වය දෙන බවයි.

ඒ වගේම මෑතකදී ඇතිවුණු කාලගුණික ආපදා වලින් හානි වුණු විහාරස්ථාන අලුත්වැඩියා කරන්න රජය විශාල මුදලක් වෙන් කරලා තියෙනවා කියලත් ඔහු සඳහන් කළා. සම්පූර්ණයෙන් හානි වුණු විහාරස්ථානයකට රුපියල් ලක්ෂ 75ක් දක්වාත්, අර්ධ හානි වුණු ස්ථානයකට ලක්ෂ 50ක් දක්වාත් ලබාදෙන බවත් ඔහු පැවසුවා.

ඉදිරියේදී මේ ප්‍රදේශයේ පුරාවිද්‍යාත්මක ස්ථාන සහ විහාර ආශ්‍රිත ප්‍රදේශ සංවර්ධනය කරන්නත් සැලසුම් කරලා තියෙනවා කියලා අමාත්‍යවරයා වැඩිදුරටත් කියලා තිබුණා.