දෙමටගොඩින් අයිස් සහ කේරළ ගංජා කිලෝග්රෑම් 44ක් අල්ලයි
දෙමටගොඩ ප්රදේශයෙන් අයිස් මත්ද්රව්ය කිලෝග්රෑම් 39ක් සහ කේරළ ගංජා කිලෝග්රෑම් 5ක් සමඟ සැකකරුවෙකු අද (21) පොලිස් අත්අඩංගුවට ගෙන තිබෙනවා.
බස්නාහිර පළාත් උතුර අපරාධ කොට්ඨාසයට ලැබුණු රහසිගත තොරතුරකට අනුව මෙම වැටලීම සිදුකර ඇති බවයි පොලීසිය සඳහන් කළේ.
සැකකරු අත්අඩංගුවට ගෙන ඇත්තේ දෙමටගොඩ ප්රදේශයේ, කොළඹ දිසා අපරාධ කොට්ඨාසය ආසන්නයේදීයි.
පොලිස් ආරංචි මාර්ග අනුව, සැකකරු සතුව තිබූ මත්ද්රව්ය විශාල වටිනාකමකින් යුක්ත බවට සැක පළ කරන අතර, ඒවා බෙදාහැරීම සඳහා සූදානම් කර තිබුණේද යන්න පිළිබඳවද විමර්ශන ක්රියාත්මකයි.
මෙම ජාවාරමට තවත් පුද්ගලයින් සම්බන්ධද යන්න සහ මත්ද්රව්ය ගෙන ආ ආකාරය පිළිබඳව බස්නාහිර පළාත් උතුර අපරාධ කොට්ඨාසය වැඩිදුර පරීක්ෂණ සිදුකරනවා.