දඩයමට බදින තුවක්කුවක් පත්තු වෙයි හිමිදිරියේ හේනට ගිය සෙබළා ජිවිතක්ෂයට

තිරප්පනේ, උට්ටිමඩුව පැත්තේ අද (09) අලුයම දඩයම් කරන්න අටවලා තිබ්බ බදින තුවක්කුවක් පත්තුවෙලා, වගා බිමට යමින් හිටපු පියෙක් ජීවිතක්ෂයට පත්වෙලා තියෙනවා කියලා පොලීසිය කියනවා.

මෙලෙස මියගොස් තියෙන්නේ සිවලාකුලම, කුට්ටිකුලම පදිංචි වයස 54ක් වන, විශ්‍රාමික හමුදා සෙබළෙක් සහ තිදරු පියෙක්.

ඔහු උට්ටිමඩුව පැත්තේ තියෙන තමන්ගේ තල හේනට අලුයම යන අතරේ, පාර අසල කැලෑ කොටසක වල් ගෝනුන් අල්ලන්න කියලා කවුරුහරි අටවලා තිබ්බ බදින තුවක්කුවකට මෙහෙම ගොදුරු වෙලා තියෙනවා.

තුවක්කුව පත්තුවෙච්ච ශබ්දය අහලා අසල හිටපු මිනිස්සු එතනට ගිහින් බලද්දී, ඔහු පපුවට සහ ඉණ පැත්තට වෙඩි වැදිලා බරපතළ තුවාල ලබලා බිම වැටීලා හිටියා කියලා කියනවා.

ඒ අය ඉක්මනින්ම ඔහු පයිරමඩුව රෝහලට ගෙනිච්චත්, ටික වෙලාවකින් පස්සේ ඔහු මියගියා කියලා රෝහල් ආරංචි කියනවා.

මේ සිද්ධියට අදාල මහෙස්ත්‍රාත් පරීක්ෂණයත්, පශ්චාත් මරණ පරීක්ෂණයත් අදම සිදුකරන්න තියෙනවා.

මෙම බදින තුවක්කුව අටවපු අය අල්ලගන්න පොලීසිය තවදුරටත් පරීක්ෂණ කරගෙන යනවා.

දේහය දැනට පයිරමඩුව රෝහලේ මෘත ශරීරාගාරයේ තැන්පත් කරලා තියෙනවා.