ශ්රී ලංකා මහ බැංකුව විසින් සම්පාදනය කරන ලද “වාර්ෂික ආර්ථික විවරණය 2025” සහ, “මූල්ය ප්රකාශ සහ මෙහෙයුම් 2025” වාර්තා ජනපතිට භාර දෙයි
ශ්රී ලංකා මහ බැංකුව විසින් සම්පාදනය කරන ලද “වාර්ෂික ආර්ථික විවරණය 2025” සහ, “මූල්ය ප්රකාශ සහ මෙහෙයුම් 2025” වාර්තා ද්විත්වය මුදල්, ක්රමසම්පාදන සහ ආර්ථික සංවර්ධන අමාත්යවරයා ලෙස අද (20) පස්වරුවේ ජනාධිපති කාර්යාලයේදී භාර ගතිමි.මෙම වාර්තාවන්ට අනුව සාර්ව ආර්ථික ස්ථායීතාව අඛණ්ඩව පවත්වා ගැනීම සහ ක්රියාත්මක වෙමින් පවතින ප්රතිපත්තිමය හා ව්යුහාත්මක ප්රතිසංස්කරණ තුළින් අනුබල ලබමින් 2025 වසරේ දී ශ්රී ලංකා ආර්ථිකය ශක්තිමත් කරගෙන තිබේ.
වෙළෙඳ සහ භූ දේශපාලනික ප්රවණතා ආශ්රිත ගෝලීය අවිනිශ්චිතතා ඉහළ යෑම මෙන්ම, 2025 වසර අග භාගයේදී ඇති වූ අයහපත් කාලගුණ තත්ත්ව සහ ව්යසනකාරී ස්වභාවික විපත්වල බලපෑම මධ්යයේ වුවද දේශීය ආර්ථික ක්රියාකාරකම්හි ඔරොත්තු දීමේ හැකියාව පැවතුණු බවත්,සාර්ව ආර්ථික තත්ත්වයන් වර්ධනය වීම සහ ප්රතිපත්ති ස්ථාවරත්වය වැඩිදියුණු වීම මෙන්ම, ඒ තුළින් වැඩිදියුණු වූ ආයෝජන විශ්වාසය මගින් කම්පනවලට වඩාත් ඵලදායීව මුහුණ දීම සඳහා අවශ්ය ස්වාරක්ෂක ගොඩනැංවීමට ආර්ථිකය සතු හැකියාව වැඩිදියුණු කරමින් තිරසාර ආර්ථික වර්ධනයට මග පාදා තිබෙන බවත් මහ බැංකුව “වාර්ෂික ආර්ථික විවිරණය 2025” මගින් පෙන්වා දී තිබේ.