මදුරෝව අල්ලන මෙහෙයුමේ රහස් ඔට්ටුවට තියලා සල්ලි හම්බකරපු අමෙරිකානු විශේෂ බලකා සෙබළා
අමෙරිකානු යුද හමුදා විශේෂ බලකායේ මාස්ටර් සර්ජන්ට්වරයකු වන ගැනන් කෙන් වැන් ඩයික්ට එරෙහිව බරපතළ චෝදනාවක් එල්ල වී ඇති බව අමෙරිකානු අධිකරණ දෙපාර්තමේන්තුව පසුගිය බ්රහස්පතින්දා නිවේදනය කළා. ඒ වෙනිසියුලානු නායක නිකොලස් මදුරෝව අත්අඩංගුවට ගැනීමේ මෙහෙයුමට අදාළ රහස්ය තොරතුරු භාවිතා කරමින් රුපියල් කෝටි ගණනක මුදලක් ඔට්ටු ඇල්ලීම සම්බන්ධයෙන්.
මෙම සිදුවීමේ ඇති විශේෂත්වය සහ චෝදනාවල විස්තර අප කතා කරන සරල බසින් මෙන්න:
-
සිද්ධිය මොකක්ද?: පසුගිය ජනවාරි 3 වැනිදා අමෙරිකානු හමුදාව විසින් වෙනිසියුලානු නායක මදුරෝව අත්අඩංගුවට ගත්තා. මේ මෙහෙයුමට සම්බන්ධ වුණු වැන් ඩයික් නම් නිලධාරියා, මෙහෙයුම සිදුවීමට සති කිහිපයකට කලින් මදුරෝ බලයෙන් පහවෙයිද නැද්ද කියන එක ගැන ‘Polymarket’ කියන ඔට්ටු අල්ලන වෙබ් අඩවියේ (Prediction Market) විශාල වශයෙන් මුදල් යොදවා තිබෙනවා.
-
සූක්ෂ්ම ලෙස රහස් තොරතුරු පාවිච්චි කිරීම: ඔහු සතුව තිබුණු අතිශය රහස්ය තොරතුරු (Classified information) පාවිච්චි කරලා, අමෙරිකානු හමුදා වෙනිසියුලාවට ඇතුළු වෙන බවටත්, මදුරෝගේ පාලනය අවසන් වෙන බවටත් ඔහු ඔට්ටු අල්ලා තිබෙනවා.
-
උපයපු මුදල: මේ ඔට්ටු ඇල්ලීම හරහා ඔහු ඇමෙරිකානු ඩොලර් 400,000ක් (ලංකා මුදලින් රුපියල් කෝටි 12කට ආසන්න මුදලක්) උපයාගෙන ඇති බවයි අධිකරණ දෙපාර්තමේන්තුව පවසන්නේ.
-
එල්ල වී ඇති චෝදනා: රජයේ රහස්ය තොරතුරු අවභාවිත කරමින් තමන්ගේ පෞද්ගලික වාසිය සඳහා කටයුතු කිරීම සම්බන්ධයෙන් ඔහුට එරෙහිව දැන් නඩු පවරා තිබෙනවා.
කෙටියෙන් කිව්වොත්, රටක හමුදා මෙහෙයුමක රහස් දැනගෙන, ඒක හරහා සල්ලි හම්බ කරන්න ගිහින් මේ හමුදා නිලධාරියා දැන් ලොකු අමාරුවක වැටිලා ඉන්නේ.