කෑගල්ලේ කරඩුපන ප්රදේශයේ දඩ මස් වැටලීමකින් කබල්ලෑ මස් සමඟ සැකකරුවෙකු අත්අඩංගුවට
කෑගල්ල, කරඩුපන ප්රදේශයේ මස් විකුණන කඩයක දඩ මස් විකුණනවා කියලා ලැබුණු තොරතුරක් මත පසුගිය 25 වැනිදා බුලත්කොහුපිටිය වනජීවී කාර්යාලයේ නිලධාරීන් හදිසි වැටලීමක් කරලා තියෙනවා.
එහිදී කබල්ලෑ මස් ග්රෑම් 750ක් තමන් ළඟ තියාගෙන හිටපු සැකකරුවෙකු අත්අඩංගුවට අරගෙන තියෙනවා.
පසුව, මේ සැකකරුත් නඩු භාණ්ඩත් පසුගිය 15 වැනිදා කෑගල්ල මහේස්ත්රාත් අධිකරණයට ඉදිරිපත් කරලා තියෙනවා. එහිදී, කබල්ලෑ මස් ළඟ තබා ගැනීම සම්බන්ධයෙන් ඔහුට රුපියල් 60,000ක දඩයක් ගෙවන්න නියෝග කරලා තියෙනවා.
කබල්ලෑවා කියන්නේ වනසත්ත්ව හා වෘක්ෂලතා ආරක්ෂක ආඥා පනත යටතේ දැඩි ආරක්ෂාව ලබන, වඳවීමේ තර්ජනයට ලක්වෙලා තියෙන ක්ෂීරපායි සතෙක්. ඒ වගේ සතුන් ආරක්ෂා කිරීම හැමෝගෙම වගකීමක්.
ඒ වගේ සතෙක්ට හානි කරනවා හෝ ඒ ගැන තොරතුරු තියෙනවා නම් 1992 හදිසි දුරකථන අංකයට දැනුම් දෙන්න කියලාත් ඉල්ලා තියෙනවා.
මේ වැටලීම බුලත්කොහුපිටිය වනජීවී කාර්යාලයේ නිලධාරීන් වන ඉමේෂ් ගුණතිලක බණ්ඩාර, උදිත විදුරංග, නාරද කළුආරච්චි සහ රියදුරු සමන් විසින් සිදු කරලා තියෙනවා.