ගිනි අවි 03ක් සමග තිදෙනෙකු අත්අඩංගුවට

මෙරට නිෂ්පාදිත ගිනි අවි 03ක් සමග සැකකරුවන් තිදෙනෙකු අත්අඩංගුවට ගෙන තිබෙනවා.

ඒ, පොලිස් විශේෂ කාර්ය බලකා බුත්තල කඳවුරේ නිලධාරීන් කණ්ඩායමක් කොස්ලන්ද පොලිස් වසමේ ගොමදියවෙල ප්‍රදේශයේ සිදුකළ වැටලීම්වල දීයි.

ඒ අනුව සිදුකළ වැටලීම් 03කදී මෙලෙස ගිනි අවි 03ක් සමග සැකකරුවන් තිදෙනෙකු අත්අඩංගුවට ගෙන තිබෙනවා.

අදාළ සැකකරුවන් 35ත් 47ත් අතර වයස්වල පසුවන ඇතිලිවැව හා ඌවමාවෙලගම ප්‍රදේශයේ පදිංචිකරුවන් වනවා.

අත්අඩංගුවට ගත් සැකකරුවන් කොස්ලන්ද පොලිස් ස්ථානය වෙත ඉදිරිපත් කර ඇති අතර මේ සම්බන්ධයෙන් වැඩිදුර විමර්ශන ක්‍රියාත්මකයි.