ගල්කිස්සේ වෙඩි තැබීමකින් පුද්ගලයෙකු මරුට

ගල්කිස්ස – වටරප්පල පාර ප්‍රදේශයේ අද (07) අළුයම සිදු වූ වෙඩි තැබීමකින් පුද්ගලයෙකු මියගොස් තිබෙනවා.

වෙඩි වැදීමෙන් තවත් පුද්ගලයෙකු තුවාල ලබා රෝහල් ගත කර ඇති බවයි පොලීසිය සඳහන් කළේ.

නිවසක රැඳී සිටි පුද්ගලයින් දෙදෙනෙක් ඉලක්ක කර අද අළුයම 4.35ට පමණ මෙම වෙඩි තැබීම සිදුව තිබෙනවා.

නාඳුනන තුවක්කරුවන් දෙදෙනෙක් විසින් යතුරු පැදියකින් පැමිණ මෙම වෙඩි තැබීම සිදුකර ඇති බවටයි අනාවරණ වී ඇත්තේ.

සිද්ධිය සම්බන්ධයෙන් පොලීසිය විසින් වැඩිදුර විමර්ශන ක්‍රියාත්මකයි.