ස්ටීව් ස්මිත්ට ආබාධයක්
ශ්‍රී ලංකාවට එරෙහිව පැවැත්වෙන ටෙස්ට් ක්‍රිකට් තරගාවලියේදී ඔස්ට්‍රේලියා කණ්ඩායමේ නායකත්වය හිමිව ඇති ස්ටීව් ස්මිත්ගේ වැලමිට ප්‍රදේශය ආබාධයකට ලක්ව තිබෙනවා.
ඒ, ඔස්ට්‍රේලියානු බිග් බෑෂ් තරගාවලිය අතරතුරදීයි.
පසුගිය සිකුරාදා සිඩ්නි තණ්ඩර් කණ්ඩායම සමඟ පැවැති තරගයේදී පන්දු රකමින් සිටියදී ස්මිත් ආබාධයකට ලක්වූ බවයි ක්‍රීඩා මාධ්‍ය වාර්තා සඳහන් කළේ.
මේ හේතුවෙන් ඩුබායිහි පැවැත්වෙන පුහුණු කඳවුරට සහභාගී වීම ස්ටීව් ස්මිත් ප්‍රමාද කර ඇති බව සඳහන්.
කෙසේ වෙතත් ඔහු ලබන සතියේදී ඊට එක්වීමට නියමිත බව ද ක්‍රීඩා මාධ්‍ය වාර්තාවල වැඩිදුරටත් දැක්වෙනවා.
ඔස්ට්‍රේලියානු කණ්ඩායමේ නිත්‍ය නායක පැට් කමිංග්ස් පීතෘ නිවාඩු ගැනීම හේතුවෙන් ශ්‍රී ලංකාවට එරෙහි ටෙස්ට් තරගාවලියේ නායකත්වය ස්ටීව් ස්මිත්ට ලබාදීමට පියවර ගත්තා.
ස්ටීව් ස්මිත්ගේ ආබාධය සුව නොවන්නේ නම් ඉදිරි තරගාවලියේදී ඔස්ට්‍රේලියානු කණ්ඩායමේ නායකත්වය ට්‍රවිෂ් හේඩ් වෙත හිමි වනු ඇති බවටයි තොරතුරතු වාර්තා වන්නේ.