මත්කරල් තුන්දහසක් සමඟ ඖෂධවේදීයෙක් අත්අඩංගුවට
රුපියල් ලක්ෂ හයකට අධික වටිනාකමකින් යුක්ත මත්කරල් තොගයක් සමඟ ඖෂධවේදියෙක් දෙහිවල ප්‍රදේශයේදී අත්අඩංගුවට ගෙන තිබෙනවා.
ඒ, ගාලු පාරේ ඉන්ධන හලක් අසල පිහිටා තිබූ නිවසක් වටලා සිදු කළ සෝදීසි මෙහෙයුමකින්.
එහිදී මත්කරල් 3009ක් සහ ජංගම දුරකථනයක් ද පොලිස් භාරයට ගෙන ඇති බව සඳහන්.
සිද්ධිය සම්බන්ධයෙන් අත්අඩංගුවට ගත් 59 හැවිරිදි සැකකරු අධිකරණයට ඉදිරිපත් කිරීමට නියමිතයි.
මත්ද්‍රව්‍ය ජාවාම්කරුවන්‌‌ගෙන් ලැබෙන ඇමතුම් අනුව මෙම මත්කරල් තොග වශයෙන් මෙම ඖෂධවේදියා බෙදා හැර ඇති බවටයි පොලිස් මූලික විමර්ශනවලදී අනාවරණ වී ඇත්තේ.
ගල්කිස්ස කොට්ඨාස බුද්ධි ඒකකයට ලද තොරතුරකට අනුව දෙහිවල පොලිසියේ පරිපාලන අංශයේ සහකාර ස්ථානාධිපති පොලිස් පරීක්ෂක රණවීර මහතා ඇතුළු කණ්ඩායමක් විසින් අදාළ වැටලීම සිදු කර ඇති බව වැඩිදුරටත් සඳහන්.