බ්‍රසීලයේ බස් රථයක් සහ ට්‍රක් රථයක් එකිනෙක ගැටීමෙන් පුද්ගලයන් 38 දෙනෙකු ජීවිතක්ෂයට
බ්‍රසීලයේ මිනාස් ජෙරායිස් ප්‍රාන්තයේ බස් රථයක් සහ ට්‍රක් රථයක් එකෙනෙක ගැටීමෙන් පුද්ගලයින් 38 දෙනෙකු මියගොස් තිබෙනවා.
තවත් 13 දෙනෙකු අනතුර සිදුවූ නගරය ආසන්නයේ රෝහල් වෙත රැගෙන ගොස් ඇති බව සඳහන්.
මගීන් 45 දෙනෙකු රැගෙන සාඕ පවුලෝ නගරයෙන් පිටත් වූ බස් රථයේ ටයරයක් පිපිරීම නිසා එය රියදුරුට පාලනය කරගත නොහැකිව ලොරියක ගැටී තිබෙනවා.
ඉන් අනතුරුව තවත් මෝටර් රථයක් බස් රථයේ ගැටී ඇති නමුත් එහි සිටි මගීන් තිදෙනාම දිවි ගලවා ගත් බවයි ගිනි නිවීමේ දෙපාර්තමේන්තුව පවසන්නේ. ඉන් අනතුරුව බස් රථය ගිනිගෙන විනාශ වී ඇති බවයි බ්‍රසීල බලධාරීන් පවසන්නේ.