ඉරාන හමුදා කඳවුරකට එක්සත් ජනපදය නව ප්රහාර එල්ල කරයි
ඇමරිකාව ඉරානයේ බන්ඩාර් අබ්බාස් කියන වැදගත් වරාය නගරයේ හමුදා ස්ථානයකට අලුත් ප්රහාරයක් එල්ල කරලා තියෙනවා. ඇමරිකානු මධ්යම හමුදා අණදෙන කාර්යාලය වන සෙන්ට්කොම් කියන්නේ, හෝර්මුස් සමුද්ර සන්ධිය අසල තර්ජනයක් වෙලා තිබුණු ඉරාන ඩ්රෝන යානා හතරක් තමන් බිම හෙළපු බවයි. තවත් ඩ්රෝනයක් යවන්න ලෑස්ති වෙද්දී ඒ ස්ථානයට ප්රහාර එල්ල කළ බවත් ඔවුන් කියනවා.
ඉරාන මාධ්ය වාර්තා කරන්නේ බන්ඩාර් අබ්බාස් නගරයේ නැගෙනහිර පැත්තෙන් විශාල පිපිරීම් ඇසුණු බවයි.
මේ ප්රහාර වෙන්නේ ඇමරිකාව සහ ඉරානය අතර තිබෙන අස්ථාවර සටන් විරාමයක් මැද. ඒ වගේම හෝර්මුස් සමුද්ර සන්ධියේ ගමනාගමනයට බාධා වීම නිසා ලෝක තෙල් සහ බලශක්ති මිලත් ඉහළ ගිහින් තියෙනවා. මේ ගැටුම මාස තුනකට ආසන්න කාලයක් පුරා දිග ගිය එකක්.
දින තුනක් ඇතුළත ඇමරිකාව ඉරානයට පහර දුන් දෙවැනි අවස්ථාවත් මේකයි. ඔවුන් කියන්නේ මේවා “ස්වයං ආරක්ෂාව” සඳහා කළ ප්රහාර කියලා. හැබැයි මේ නිසා නැවතත් ගැටුම් වැඩිවෙයිද කියන අවදානමක් තියෙනවා.
