පිලී පැන්න ‘සාගරිකා’ යළි ධාවනයට

පහුගියදා පිලී පැනපු “සාගරිකා” දුම්රිය අද (27) ඉඳලා ආපහු ධාවනයට දානවා කියලා දුම්රිය දෙපාර්තමේන්තුව කියනවා.

දුම්රිය ගමනාගමන අධිකාරි අසංක සමරසිංහ මහත්තයා කියන්නේ, අද ඉඳලා මේ දුම්රිය සාමාන්‍ය විදිහටම දුවනවා කියලා.

ඔයාලට මතක ඇතිනේ, පහුගිය 24 වෙනිදා බෙලිඅත්තෙන් මරදානට යන ගමනේදී වාද්දුවේදී මේ දුම්රිය පිලී පැනලා තිබුණා. මැදිරි 13න් 11ක්ම එතකොට පිලී පැනිලා.

ඒකත් එක්ක, ඒ වෙලාවේ දුම්රියේ හිටපු කාර්ය මණ්ඩලයේ 4 දෙනෙක් තාවකාලිකව සේවයෙන් ඉවත් කරලා තියෙනවා.

විමර්ශනය ඉවර වෙනකම් ඔවුන්ට ආපහු දුම්රිය ධාවනයට යොදවන්නේ නෑ කියලාත් කියනවා.

ඒ කියන්නේ රියදුරු, නියාමක, රියදුරු සහයක සහ උප නියාමක යන මේ හතර දෙනාම මේකට අදාළව තාවකාලිකව ඉවත් කරලා තියෙනවා.