නයිජීරියානු යොවුන් කාන්තා ක්‍රිකට් කණ්ඩායමට ඉතිහාසගත ජයක්
කාන්තා යොවුන් විස්සයි විස්ස ලෝක කුසලාන ක්‍රිකට් තරගාවලියේ නවසීලන්තය සමඟ පැවැති තරගය ලකුණු 02කින් ජයගැනීමට නයිජීරියානු කණ්ඩායම අද (20) සමත් වුණා.
තරගයේ ප්‍රථමයෙන් පන්දුවට පහර දුන් නයිජීරියානු කණ්ඩායම නියමිත පන්දුවාර 13 තුළ කඩුලු 06ක් දැවි රැස්කරගත් ලකුණු සංඛ්‍යාව 65ක්.
ජයග්‍රහණය සඳහා ලකුණු 66ක ඉලක්කයක් හඹා ගිය නවසීලන්ත කණ්ඩායමට නියමිත පන්දුවාර 13 තුළ කඩුලු 06ක් දැවි රැස්කරගැනීමට හැකි වූයේ ලකුණු 63ක් පමණයි.
ක්‍රීඩා පිටියේ පැවැති තෙතබරිත ස්වභාවය හේතුවෙන් එක් ඉනිමක් පන්දුවාර 13කට සීමා කිරීමටයි විනිසුරුවරුන් කටයුතු කළේ.