බුත්තලදී හෙරොයින් ජාවාරම්කරුවෙකු අත්අඩංගුවට

බුත්තල පස්සර මාර්ගයේදී හෙරොයින් අලෙවිකරමින් සිටි ජාවාරම්කරුවෙකු ඊයේ (17) අත්අඩංගුවට ගෙන තිබෙනවා.

ඒ, බුත්තල පොලීසියට ලද තොරතුරක් මත සිදුකළ වැටලීමකදී යි.

සැකකරු අත්අඩංගුවට ගන්නා විට ඔහුගේ ගුද මාර්ගයේ සඟවා තබා ගෙන සිටි හෙරොයින් ග්‍රෑම් 04යි මිලිග්‍රෑම් 82ක් බරැති පැකට් 14ක් හමුව ඇති බව සඳහන්.

සැකකරු 46 හැවිරිදි හොරණ ප්‍රදේශයේ පදිංචිකරුවෙක්.

ඔහු කලක සිට මෙම හෙරොයින් ජාවාරමේ නිරතව සිටි අයෙක් බවත්, ඔහුට ලැබෙන ඇනවුම් අනුව විවිධ මාර්ගවල දෙපස රහසිගත ස්ථානවල හෙරොයින් සඟවා ගැනුම්කරුවන්ට අදාල ස්ථානය දැනුම්දෙනු ලබන බවත් වාර්තා වනවා.

ඊසි කෑෂ් ක්‍රමයට සැකකරුගේ ගිණුමට මුදල් බැරකිරීමෙන් පසුව ස්ථානය දැනුම් දෙන බව සඳහන්.

ඒ අනුව ගැනුම්කරු විසින් රහසිගත ස්ථානයට ගොස් ඔහු සඟවා තිබෙන හෙරොයින් තොගය රැගෙන යනු ලබන අතර එලෙස ගැනුම්කරුවන්ට ලබාදීම සඳහා හෙරොයින් රැගෙනයමින් සිටියදී සැකකරු මෙලෙස අත්අඩංගුවටගෙන තිබෙනවා.

සැකකරු වැල්ලවාය මහේස්ත්‍රාත් අධිකරණයට ඉදිරිපත්කිරීමට නියමිතයි.