ස්වයංක්‍රීය ගිනි අවියක් සමඟ සැකකරුවකු අත්අඩංගුවට
විදේශීය රටක නිෂ්පාදිත ස්වයංක්‍රීය ගිනි අවියක් සමග සැකකරුවෙකු අත්අඩංගුවට ගෙන තිබෙනවා.
ඒ, ඊයේ (25) පස්වරුවේ කහතුඩුව පොලිස් වසමේ මාගම්මන ප්‍රදේශයේදී මොරගහහේන පොලිස් ස්ථානයේ නිලධාරීන් කණ්ඩායමක් විසින් ලද තොරතුරකට අනුව සිදුකළ වැටලීමකදී යි.
එහිදී අදාළ සැකකරු සමග ඔහු සන්තකයේ තිබු විදේශීය රටක නිෂ්පාදිත ස්වයංක්‍රීය ගිනි අවියක්, එම පතොරම් ගැබක් සහ ජීව පතොරොම් 05ක් තිබී පොලිස් භාරයට ගෙන තිබෙනවා.
අත්අඩංගුවට ගත් සැකකරු 43 හැවිරිදි මාගම්මන – හෝමාගම ප්‍රදේශයේ පදිංචිකරුවෙක් වනවා.
සිද්ධිය සම්බන්ධයෙන් කහතුඩුව හා මොරගහහේන පොලිස් ස්ථාන විසින් වැඩිදුර විමර්ශන ක්‍රියාත්මකයි.