බංගලාදේශය පසුකළ ශ්‍රී ලංකා ටෙස්ට් කණ්ඩායම: 21 වන ශතවර්ෂයේ අඩුම ටෙස්ට් ලකුණු
21 වන ශත වර්ෂයේ අඩුම ටෙස්ට් ලකුණු සංඛ්‍යාවක් රැස්කළ ලොව තෙවන කණ්ඩායම ලෙස ශ්‍රී ලංකා කණ්ඩායම ඊයේ (28) වාර්තා පොත් අතරට එක් වුණා.
ඒ, දකුණු අප්‍රිකාව සමඟ පැවැත්වෙන පළමු තරගයේ ප්‍රථම ඉනිමේදී ලකුණු 42කට සියලු ක්‍රීඩකයින් දැවී යාමත් සමඟයි.
ඔස්ට්‍රේලියාවට එරෙහිව 2020 වසරේ ලකුණු 36ක් රැස්ක කළ ඉන්දියාව එහි පළමු ස්ථානයේ රැඳි සිටිනවා.
දෙවන ස්ථානයේ පසුවන අයර්ලන්ත කණ්ඩායම රැස්කරගෙන ඇති ලකුණු සංඛ්‍යාව 38ක්.
ඒ 2019 වසරේදී එංගලන්තයට එරෙහිවයි.
බටහිර ඉන්දිය කොදව් කණ්ඩායම සමඟ 2018 වසරේ පැවැති තරගයදී ලකුණු 43ක් ලබාගත් බංගලාදේශය එහි සිව් වන ස්ථානයේ පසුවනවා.
දකුණු අප්‍රිකාවට එරෙහිව 2013 වසරේදී නවසීලන්තය ලකුනු 45ක් ලබාගෙන ඇති අතර ඒ අනුව ඔවුන් අදාළ ලැයිස්තුවේ පස් වන ස්ථානයේ පසුවන බව සඳහන්.