විශාල ගසක් කඩාවැටීමෙන් මුතුගල නිවසකට බරපතල හානි

නාරම්මල ප්‍රාදේශීය ලේකම් බල ප්‍රදේශයේ දඹදෙණිය මුතුගල උයන්වත්ත මංසන්ධියේ පිහිටි ඉඩමක තිබූ විශාල ගසක් කඩාවැටීමෙන් නිවසකට බරපතල හානි සිදුව තිබෙනවා.

පසුගියදා (13) පස්වරු 2.00ට පමණ පැවති වැසි සහ තද සුළං සහිත කාලගුණයත් සමග මෙම ගස කඩා වැටී ඇති අතර මෙලෙස කඩා වැටී ඇත්තේ රිටි ගසක්.

එම අඩි 100කට වඩා උස වට අඩි 15ක් පමණ වන වසර 400ටත් වඩා පැරණියි.

මෙම ගස තිබී ඇත්තේ ඉඩමේ එක් මායිමකට යාබදවයි.

ගස කඩාවැටීමෙන් හානි සිදුව ඇත්තේ ඉඩම හිමි එච්.ඒ. සෝමපාල නමැත්තාගේ නිවසට යාව පිහිටි මුළුතැන්ගෙය වශයෙන් භාවිතයට ගත් නිවස මතටයි.

මෙම ගස කඩාවැටෙන විට සියල්ලන්ම නිවසින් බැහැරව සිටීම හේතුවෙන් කිසිඳු පුද්ගලයෙකුට අනතුරක් සිදුව නැහැ.