ගෙවුණු සති දෙකට ඩෙංගු රෝගීන් 2352ක්

2025 වසරේ ගෙවුණු දෙසතියක පමණ කාලය තුළ ඩෙංගු රෝගීන් 2,352ක් වාර්තා වී ඇති බව ජාතික ඩෙංගු මර්දන ඒකකය පවසනවා.

එම කාලය තුළ වැඩිම ඩෙංගු රෝගීන් සංඛ්‍යාවක් වාර්තා වී ඇත්තේ, ගම්පහ දිස්ත්‍රික්කයෙන්.

එම සංඛ්‍යාව 374ක්.

කොළඹ දිස්ත්‍රික්කයෙන් රෝගීන් 304ක් ද, ගාල්ල දිස්ත්‍රික්කයෙන් රෝගීන් 169ක්ද, මහනුවර දිස්ත්‍රික්කයෙන් රෝගීන් 134ක්ද වාර්තා වී ඇති බව ඩෙංගු මර්දන ඒකකය සඳහන් කළා.

2025 වසර ආරම්භය සිට මෙතෙක් කිසිඳු ඩෙංගු මරණයක් වාර්තා වී නැහැ.

පසුගිය වසරේදී මෙරටින් ඩෙංගු රෝගීන් 49,887ක් සහ ඩෙංගු මරණ 24ක් වාර්තා වී තිබුණා.