බස් රථයක් මාර්ගයෙන් ඉවතට පැන නිවසක් මතට වැටීම නූලෙන් බේරෙයි
බදුල්ල පස්සර ප්‍රධාන මාර්ගයේ දහය කණුව ප්‍රදේශයේ දි අද (11) අළුයම හයට පමණ බස් රථයක් මාර්ගයෙන් ඉවතට පැන සිදුවු අණතුරකින් එහි ගමන් කළ 12 දෙනෙකු තුවාල ලබා තිබෙනවා.
අප වාර්තාකරු පැවසුවේ කොළඹ සිට පස්සර බලා ගමන් කරමින් තිබු පෞද්ගලික බස් රථයක් මෙලෙස අනතුරට ලක්ව ඇති බවයි.
බස්රථය මාර්ගය ආසන්නයේ තිබූ වැටක වැදී නොවන්නට, ඊට පහලින් පිහිටි නිවස මතට වැටීමට ඉඩ තිබු බවයි පොලීසිය පවසන්නේ.
තුවාල ලැබුවන් ප්‍රතිකාර සදහා පස්සර මුලික රෝහලට ඇතුළත් කර ඇති අතර වයස අවුරුදු 6 කුඩා දරුවෙකු සහ ඇයගේ මව ද සිටින බව සඳහන්.
බස් රථයේ රියදුරු හට නින්ද යෑමෙන් මෙම අනතුර සිදුව ඇති බවට මුලික විමර්ශනවලදි අනාවරන වී ඇති අතර, සිද්ධිය සම්බන්ධයෙන් පස්සර පොලීසිය වැඩිදුරටත් විමර්ශන සිදුකරනවා.
වාර්තාකරු – බදුල්ල පි.එම් රේණුක
