16 හැවිරිදි පාසල් සිසුවියක් අතුරුදන්
16 හැවිරිදි පාසල් සිසුවියක් පසුගිය ජනවාරි 3 වනදා සිට අතුරුදන්ව ඇති බවට ඇටම්පිටිය පොලීසියට පැමිණිල්ලක් ලැබී තිබෙනවා.
දැරියගේ මව විසින් අදාළ පැමිණිල්ල ඉදිරිපත් කර ඇති බවයි පොලිස් මූලස්ථානය සඳහන් කළේ.
ඇය උස අඩි 5යි අඟල් 2ක් පමණ උසැති තලෙළු සාමාන්‍ය සිරුරක් සහිත අයෙක් වන අතර වම් අතෙහි වැලමිට ආසන්නයේ සුළු කැපුම් තුවාලයක් දක්නට ලැබෙන බවයි පොලීසිය නිකුත් කළ නිවේදනයේ දැක්වෙන්නේ.
ඇය අවසන් වරට ළා කොළ පැහැයට හුරු දිග ගවුමක් ඇඳ සිට තිබෙනවා.
අතුරුදන් වු අදාළ දැරිය සම්බන්ධයෙන් වැඩි විස්තරයක් වෙතොත් පහත දුරකථන අංකයන්ට දැනුම්දෙන ලෙස පොලීසිය මහජනතාවගෙන් ඉල්ලා සිටිනවා.
- ස්ථානාධිපති – ඇටම්පිටිය – 0718591528
- පොලිස් ස්ථානය ඇටම්පිටිය – 0552295466
