අපරික්ෂාකාරීව ධාවනය වන බස් රථ ගැන දැනුම්දෙන්න
පොලීසිය විසින් දීප ව්‍යාප්තව මගී ප්‍රවාහන බස් රථ පරීක්ෂා කිරීමේ විශේෂ මෙහෙයුමක් ආරම්භ කර තිබෙනවා.
වැඩබලන පොලිස්පති ප්‍රියන්ත වීරසූරිය මහතා සඳහන් කළේ, රිය අනතුරු වාර්තාවීම ඉහළයාම හේතුවෙන් මෙම තීරණය ගත් බවයි.
රියදුරන් මත්ද්‍රව්‍ය භාවිත කර බස් රථ ධාවනය කරන බවටද තොරතුරු ලැබී තිබෙන බව පොලීසිය සඳහන් කළා.
ඒ අනුව අපරික්ෂාකාරීව ධාවනය වන මගී ප්‍රවාහන බස් රථ පිළිබඳ තොරතුරු 119 හෝ 1997 යන දුරකථන අංකවලට දැනුම් දෙන ලෙසයි පොලීසිය දැනුම් දුන්නේ.