ඉන්දියාවට වැස්සේ ආශීර්වාදය

සංචාරක ඉන්දිය කණ්ඩායම සහ ඔස්ට්‍රේලියාව අතර පැවැත්වෙන තෙවන ටෙස්ට් ක්‍රිකට් තරගයේ පස් වන දිනයට වර්ෂාවෙන් බාධා එල්ල වී තිබෙනවා.

ඒ හේතුවෙන් දිවා ආහාරය දහවල් 12.00ට ලබාගැනීමට නියමිතයි. තරගයේ ප්‍රථමයෙන් පන්දුවට පහරදුන් ඔස්ට්‍රේලියානු කණ්ඩායම සියලු දෙනා දැවී රැස්කරගත් ලකුණු සංඛ්‍යාව 445ක්.

එහිදී ට්‍රවිෂ් හේඩ් ලකුණු 152ක් සහ ස්ටීව් ස්මිත් ලකුණු 101ක් ලබාගත්තා.

පන්දුයැවීමේදී ජස්ප්‍රිට් බුම්රා කඩුලු 06ක් දවාගැනීමටයි සමත් වුණේ. ඔස්ට්‍රේලියානු පළමු ඉනිමට පිළිතුරු ලෙස ඉන්දිය කණ්ඩායමට සියලු දෙනා දැවී ලබාගැනීමට හැකි වූයේ ලකුණු 260ක් පමණයි.

එහිදී කේ.එල් රාහුල් ලකුණු 84ක් සහ රවීන්ද්‍ර ජඩේජා ලකුණු 77ක් ලබාගත්තා. පන්දුයැවීමේදී පැට් කමිංග්ස් කඩුලු 04ක් බිඳහෙළුවා. ඒ අනුව ඔස්ට්‍රේලියාව ඉන්දිය පළමු ඉනිමට වඩා ලකුණු 185ක් ඉදිරියෙන් සිටිනවා.