මීටියාගොඩ වෙඩි තැබීමේ සැකකරුවන් අත්අඩංගුවට
මීටියාගොඩ, මහවත්ත ප්‍රදේශයේ සිදුවූ වෙඩිතැබීමේ සිද්ධියට සම්බන්ධ සැකකරුවන් සිව්දෙනෙකු අත්අඩංගුවට ගෙන තිබෙනවා.
මීටියාගොඩ පොලීසියට ලැබුණු තොරතුරකට අනුව ඊයේ (16) පස්වරුවේ සිදුකළ වැටලීමක දී ප්‍රධාන සැකකරු ඇතුළු සිව්දෙනෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා සඳහන් කළා.
පෙරේදා රාත්‍රී ත්‍රිරෝද රථයකින් පැමිණි පුද්ගලයින් කිහිපදෙනෙකු විසින් නිවසක සිටි පුද්ගලයෙකුට සහ ඔහුගේ දියණියට වෙඩි තබා තිබූ අතර එහිදී තුවාල ලැබූ ඔවුන් ප්‍රතිකාර සඳහා බලපිටිය රෝහලට ඇතුළත් කරනු ලැබුවා.
වෙඩි වැදී තුවාල ලැබූ පුද්ගලයාගේ පුත්‍රයා සොයා වෙඩික්කරුවන් පැමිණ තිබෙන බවයි පොලිස් මූලික විමර්ශණවලින් හෙළිවී ඇත්තේ.
නමුත් වෙඩික්කරුවන් පැමිණෙන අවස්ථාවේ එම පුත්‍රයා නිවස තුළ සිට නැහැ.
මත්ද්‍රව්‍ය අරවුලක් මත මෙම වෙඩි තැබීම සිදුවී ඇති බවට පොලිසිය සැක පළ කරනවා.