‘පියුමා’ යළි රක්ෂිත බන්ධනාගාර ගතකෙරේ
මහා පරිමාණ මත්ද්‍රව්‍ය ජාවාරම්කරුවෙකු බව කියන ‘සලිදු මල්ෂිත’ නොහොත් ‘කුඩු සලිදු’ යන අයගේ ප්‍රධානතම ගෝලයා බව කියන ‘පියුම් හස්තික’ නොහොත් ‘පියුමා’ තවදුරටත් රක්ෂිත බන්ධනාගාර ගතකර තිබෙනවා.
ඒ, සැකකරු කොටුව මහේස්ත්‍රාත් අධිකරණය වෙත අද (11) ඉදිරිපත් කිරීමෙන් අනතුරුවයි.
ඒ අනුව පියුම් හස්තික’ නොහොත් ‘පියුමා’ එළඹෙන 18 වැනිදා තෙක් තවදුරටත් රක්ෂිත බන්ධනාගාර ගත කර තිබෙනවා.
සැකකරු අපරාධකල්ලි රැසක් සමග සබඳතා පවත්වා ඇති බවට විමර්ශනවලින් හෙළිවී ඇති බවයි අපරාධ පරීක්ෂණ දෙපාර්තමේන්තුව අධිකරණය හමුවේ සඳහන් කළේ.
ඒ සම්බන්ධයෙන් තවදුරටත් පරීක්ෂණ පැවැත්වෙන බැවින් සැකකරු රක්ෂිත බන්ධනාගාර ගත කරන ලෙස පොලීසිය අධිකරණයෙන් ඉල්ලා සිටියා.
ඒ අනුව සැකකරු මෙලෙස රක්ෂිත බන්ධනාගාර ගත කෙරුණේ.